شلون تفتح متجر إلكتروني لبيجك بالعراق

١. الرابط

رابط قصير باسمك تحطّه بالبايو وبالإعلانات. وإذا عندك دومين خاص، المتجر يشتغل عليه.

٢. المنتجات والصور

• ابدي بأكثر ٢٠ منتج تبيعهن، مو بكل شي.
• صورة واضحة على خلفية بسيطة أهم من عشر صور مزدحمة.
• القياسات والألوان كخيارات، كل وحدة بمخزنها.

٣. السعر والتوصيل واضحين

الزبون يطلع إذا ما عرف السعر النهائي. حط سعر التوصيل لكل محافظة، وخلّي المجموع يبيّن قبل ما يأكّد.

٤. الدفع

الدفع عند الاستلام هو الأساس بالعراق. والدفع الإلكتروني يزيد الطلبات المضمونة — وخلّيه يروح لحسابك أنت مباشرة.

٥. شركة التوصيل

اختار شركة توصيل تغطّي محافظاتك، واتفق على الأجور والراجع ومتى تحوّلك فلوس التحصيل. والأحسن الطلب يروح للشركة من نفس النظام بدل ما تنسخه يدوي.

٦. الإعلان يعرف شنو جاب

ركّب بكسل ميتا وتيك توك حتى الإعلان يعرف منو شاف ومنو طلب — بدونه تدفع على الإعلان وما تعرف شنو اشتغل.

وين يجي OWL ERP؟

OWL ERP يسوّيلك المتجر برابطك أو دومينك، ومحرّر صفحات تشوف بيه المتجر بالتلفون قبل ما تنشر، والدفع الإلكتروني بحسابك ويّا الدفع عند الاستلام، والطلب يروح للوسيط أو هاي إكسبرس من النظام، وبكسل ميتا وتيك توك وسناب — والمخزن نفسه ويّا محلّك إذا عندك محل. وباقة البيجات للي يبيع أونلاين بس.